Gjeneva me pagën minimale më të lartë në botë dhe ndër qytetet më të shtrenjta

Punëtorët në Gjenevë do të paguhen minimalisht 23 franga në orë

Paga minimale në Gjenevë do të jetë më e larta në botë. 23 franga minimalisht do të kenë punëtorët në orë, shkruan albinfo.ch.

Megjithatë, Gjeneva është një nga qytetet më të shtrenjta në botë. Sipas Anketës Botërore të Kostos së Jetesës 2019, Cyrihu ndodhet në vendin e katërt, derisa Gjeneva është e pesta.

Një kg bukë në Seul kushton më së shtrenjti 15.59 dollarë, derisa në Cyrih është 4.78 $ dhe 6.06 $ në Gjenevë.

Një shishe birre kushton 3.33 dollarë në Nju Jork, 3.25 dollarë në Cyrih dhe 1.54 në Gjenevë.

Prerja e flokëve për gra kushton 210 dollarë në Nju Jork, 74 dollarë në Cyrih dhe 90 në Gjenevë.

“The Economist Intelligence Unit” gjithashtu kishte renditur Cyrihun dhe Gjenevën ndër qytetet më të shtrenjta në botë, përkatësisht në vendin e pestë dhe të shtatë.

Studimi ka vlerësuar qytetet sipas çmimeve për të blerë artikuj bazë në supermarkete, çmimin e ushqimeve, pijeve, veshjeve, rekreacionit dhe argëtim, makinës, marrja me qera e një shtëpie, faturave të shërbimeve, shkollave private dhe ndihmës shtëpiake.

Po ashtu edhe Mercer dhe UBS i kishin renditur Cyrihun dhe Gjenevën ndër 10 qytetet më të shtrenjta në botë.

---