Lajme
Gjeneva mund t’u japë të huajve të drejtën e votës
Votuesit nga ky kanton do të shkojnë në kutitë e votimit për të vendosur nëse banorët e huaj mund të votojnë në nivel kantonal.
Votuesit e Gjenevës do të shkojnë në kutitë e votimit për të vendosur nëse banorët e huaj mund të votojnë në nivel kantonal. Kantoni ka përqindjen më të lartë të të huajve në vend – rreth 40 për qind, përcjell albinfo.ch.
Këshilli i Shtetit ka pranuar nismën e udhëhequr nga sindikatat dhe shoqatat e ndryshme për t’u dhënë të drejtën e votës dhe kandidimit të të huajve që kanë banuar në Gjenevë prej të paktën tetë vjetësh. Data e referendumit ende nuk është caktuar.
Megjithatë, ndryshe nga disa kantone të tjera që lejojnë vetëm mbajtësit e lejes C të votojnë, iniciativa e Gjenevës bën thirrje që çdo i huaj – qoftë banor i përhershëm apo azilkërkues – ta ketë këtë të drejtë, për sa kohë që kërkesat e qëndrimit tetëvjeçar plotësohen.
Thomas Vanek, i cili përfaqëson aleancën e majtë në Parlamentin e Gjenevës, tha se një qasje e tillë gjithëpërfshirëse është e rëndësishme, sepse “shumica e debateve bëhen në nivel kantonal. Dhe kur ke 40 për qind të njerëzve që banojnë në kanton, të cilët janë të përjashtuar nga debati politik, ky është një problem”.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit