Gjermani, shifër rekord me të infektuar me Covid-19

(AP Photo/Michael Probst)

Shkalla e të infektuarve me COVID-19 në Gjermani ka shënuar nivel rekord.

Kanë rezultuar 201.1 raste të reja për 100 mijë banorë gjatë javës së fundit, niveli më i lartë i mëparshëm ishte 197.6 në dhjetor të vitit të kaluar.

Pavarësisht se kjo është një shifër e ulët krahasuar me disa vende të tjera europiane, Gjermania ka vënë kambanat e alarmit për një “pandemi të të pavaksinuarve”.

Instituti Robert Koch, qendra kombëtare e kontrollit të sëmundjeve në Gjermani, tha të hënën se 15.513 raste të reja ishin raportuar gjatë 24 orëve të fundit, nga një rekord 37.120 të premten. Shifrat janë shpesh më të ulëta pas fundjavës.