Gjermania do të ofrojë vaksina Covid për të gjithë të rriturit nga 7 qershori

Keystone 2020

Gjermania do të heqë listën e saj të përparësisë së vaksinave Covid dhe do të fillojë të ofrojë vaksinim për të gjithë të rriturit nga 7 qershori, tha ministri i Shëndetësisë, Jens Spahn, të hënën, përcjell albinfo.ch.

Ky veprim nënkupton se kushdo nga mosha 16 vjeç e lart do të ketë të drejtën për një vaksinë në Gjermani, duke hequr kriteret ekzistuese të përparësisë bazuar në moshën, vendet e punës dhe kushtet paraekzistuese mjekësore.

“Ne kemi rënë dakord të heqim sistemin e përparësisë më 7 qershor… në praktikat e mjekëve, midis mjekëve të kompanive dhe në qendrat e vaksinimit”, tha Spahn pas bisedimeve me 16 ministrat rajonalë të shëndetësisë të Gjermanisë, përcjell tutje albinfo.ch.