Gjermania shënon mbi 22 mijë raste të reja me COVID-19

EPA/JAGADEESH NV

Është bërë e ditur nga Instituti gjerman për sëmundje ngjitëse “Robert Koch” se gjatë 24 orëve të kaluara në Gjermani janë shënuar 22.461 raste të reja të koronavirusit, transmeton albinfo.ch.

Në këtë mënyrë, numri i përgjithshëm i rasteve të sëmundjes së re në ekonominë më të fuqishme evropiane shkoi në 775.556, shkruan The Guardian.

Duhet theksuar se përpos infektimeve, gjatë kësaj periudhe u regjistruan edhe 178 viktima të reja dhe numri i përgjithshëm i të vdekurve nga pandemia shkoi në 12.378.

Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera.

Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja.