Gjermania zbut masat për të vaksinuarit

Keystone (AP Photo/Martin Meissner)

Deri më tani Gjermania ka regjistruar mbi 3.4 milionë raste me koronavirus dhe mbi 83.000 viktima, transmeton albinfo.ch.

Thuhet se njerëzit që janë vaksinuar plotësisht kundër sëmundjes COVID-19 në Gjermani nuk do të duhet të respektojnë më orën policore apo kufizimet e kontakteve. Kabineti gjerman u dakordua për këtë projektligj të martën, ndërsa ai duhet të miratohet edhe nga Parlamenti.

Ministrja e Drejtësisë, Christine Lambrecht, të ketë thënë se pret që ligji të hyjë në fuqi nga kjo javë. Projekti përcakton që ata që janë vaksinuar plotësisht dhe ata që janë shëruar nga Covid-19 të lirohen nga kufizimet për takime private dhe nga kufizimi i daljes natën.

Aty thuhet se personat e vaksinuar dhe të shëruar do të mund të hyjnë në dyqane, të vizitojnë kopshtet zoologjike ose të shkojnë në parukeri pa teste paraprake. Sipas masave të miratuara në muajin prill, zonat në Gjermani, ku regjistrohen mbi 100 infektime të reja në 100.000 banorë për shtatë ditë me radhë, duhet të vendosin orë policore gjatë natës, ndërsa njerëzit mund të takojnë vetëm një person të një familjeje tjetër gjatë ditës. Tani bëhet e ditur se njerëzit, të cilët janë vaksinuar, ose janë rikuperuar nga COVID-19 dhe, rrjedhimisht, kanë imunitet natyror, duhet të përjashtohen nga këto rregulla.