Gjidhënia përgjysmon rrezikun për vdekje te foshnjat

“Gjidhënia për vetëm dy muaj redukton rrezikun e SIDS për gjysmë dhe sa më gjatë që bëhet gjidhënia, aq më e madhe do të jetë mbrojtje”

Foshnjat që ushqehen me gji për së paku dy muaj pas lindjes përgjysmojnë rrezikun për vdekje nga Sindroma e Papritur i Vdekjes (SIDS).

Sipas studimit të ri, foshnjat përfitojnë shumë nga ushqimi me gji për vetëm dy muaj, që po konsiderohet lajm i mirë nga nënat që nuk mund apo nuk duan të ushqejnë në atë formë fëmijët e tyre.

“Gjidhënia për vetëm dy muaj redukton rrezikun e SIDS për gjysmë dhe sa më gjatë që bëhet gjidhënia, aq më e madhe do të jetë mbrojtje”, ka thënë Fern Hauck nga “UVA School of Medicine” për “Science Daily”.

“Gjetja tjetër e rëndësishme është se studimi jonë tregoi se çfarëdo sasie e gjidhënies redukton rrezikun e SIDS – në fjalë të tjera, gjidhënia ofron vetëm benefite në këtë aspekt”, ka shtuar më tej Hauck.

SIDS është një nga shkaktarët më të mëdhenj të vdekjeve te foshnjat 1 muajshe deri në njëvjeçare.

Për studim hulumtuesit monitoruan 2259 raste të vdekjeve dhe kontrolluan 6894 foshnja që nuk vdiqën dhe panë se gjidhënia ishte “shkaktar” për mbijetesën e tyre.