Gjimshiti, zyrtarisht lojtar i Atalantës

Berat Gjimshiti është edhe zyrtarisht lojtar i Serisë A.  Albinfo.ch informoi më parë se Gjimshiti është në prag të transferimit nga skuadra e FC Zurich në ekipin italian Atalanta. Dhe, kështu edhe ndodhi. Mbrojtësi kuqezi u prezantua këtë të hënë te skuadra e Atalantës. Gjimshiti, 22 vjeç, do të mbajë numrin 55, ndërsa lajmin për […]

Berat Gjimshiti është edhe zyrtarisht lojtar i Serisë A.  Albinfo.ch informoi më parë se Gjimshiti është në prag të transferimit nga skuadra e FC Zurich në ekipin italian Atalanta. Dhe, kështu edhe ndodhi. Mbrojtësi kuqezi u prezantua këtë të hënë te skuadra e Atalantës.

Gjimshiti, 22 vjeç, do të mbajë numrin 55, ndërsa lajmin për arritjen e marrëveshjes e ka deklaruar edhe vetë përmes faqës së tij zyrtare:

“Përshëndetje për të gjithë. Dua t’ ju njoftoj se që nga sot jam lojtar i ri i skuadrës italiane Atalanta. Jam i lumtur me skuadrën time të re dhe premtoj maksimumin për këtë fanellë për t’i arritur objektivat që kemi”, ka shkruar ai, transmeton albinfo.ch.

Mbrojtësi i Kombëtares shqiptare prishi me konsensus kontratën me ekipin zviceran të Zurihut që të gjejë një skuadër ku mund të luajë më shumë në mënyrë që të ketë mundësi të grumbullohet nga De Biasi në Euro 2016.

Me skuadrën e Zurihut Gjimshiti ka luajtur 135 ndeshje zyrtare dhe ka shënuar 6 gola.

Gjimshiti vitin e kaluar debutoi me fanellën e Kombëtares shqiptare në barazimin 0-0 me Danimarkën, ndërkohë që në ndeshjen e fundit të eliminatorëve ai ishte një nga tre autorët e golave në portën e Armenisë.