Gjithçka çfarë duhet të dini për shortin e kualifikimeve të KE-së

Për shkak të arsyeve politike disa përballja do të shmangen si Gjibraltar-Spanjë, Bosnja-Kosova dhe Kosova-Serbia

Shorti për kualifikimet e Kampionatit Evropian do të hidhet të dielën nga orën 12:00 në Dublin të Irlandës, shkruan albinfo.ch.

Sidoqoftë, këtë vit procedurat janë më të komplikuara për disa arsye. Për herë ta parë, Evropiani i vitit 2020 do të zhvillohet në 12 shtete, dhe askush nuk do të kualifikohet si organizator.

Për shkak të arsyeve politike disa përballja do të shmangen si Gjibraltar-Spanjë, Bosnja-Kosova dhe Kosova-Serbia, përcjell albinfo.ch.

Gjithashtu ka rregulla për shkak të kohës, pasi në disa vende do të jetë ftohtë dhe ndoshta me borë.

Në disa vende nuk do të luhen ndeshjet si vendës gjatë muajit mars dhe nëntor si: Estonia, Ishujt Faroe, Finlanda, Islanda, Letonia, Lituania, Norvegjia, Rusia, Ukraina dhe Bjellorusia.

Nga kualifikimet do të marrin biletën 20 kombëtare, si dhe katër të tjera nga Liga e Kombeve, fituesi i secilës ligë.

Shorti për Evropian do të hidhet më 1 dhjetor të vitit të ardhshëm, por këtu është paqartësia, sepse fituesi i Ligës B në Ligën e Kombeve, C dhe D, do të dihet në mars të vitit 2020. Çfarë do të ndodhë me shortin për këto katër shtete të Ligës së Kombeve është e paqartë, por ekziston mundësia që të hidhet shorti sërish në prill të vitit 2020.

Kualifikimet për Evropian nisin nga marsi i vitit të ardhshëm deri në nëntor. Do të formohen 10 grupe. Pesë do të jenë me pesë skuadra dhe pesë me nga gjashtë. Dy më të mirat kualifikohen tutje.

Zvicra ndodhet në vazon e parë dhe do të ketë kundërshtare më të lehta në grup, Shqipëria është në vazon e katërt, kurse Kosova në të pestën.

Vazot

Vazo 1: Zvicra, Portugalia, Holanda, Anglia, Belgjika, Franca, Spanja, Italia, Kroacia, Polonia.

Vazo 2: Gjermania, Islanda, Bosnja e Hercegovina, Ukraina, Danimarka, Suedia, Rusia, Austria, Uellsi, Çekia

Vazo 3: Sllovakia, Turqia, Irlanda, Irlanda V, Skocia, Norvegjia, Serbia, Finlanda, Bullgaria, Izrael

Vazo 4: Hungaria, Rumania, Greqia, Shqipëria, Mali i Zi, Qipro, Estonia, Sllovenia, Lituania, Gjeorgjia

Vazo 5: Maqedonia, Kosova, Bjellorusia, Luksemburgu, Armenia, Azerbajxhani, Kazakistani, Moldavia, Gjibraltari, Ishujt Faroe

Vazo 6: Letonia, Lihtenshtajni, Andorra, Malta, San Marino

VIDEO

---