Gjykata federale i jep të drejtë familjes nga Afganistani

Gjykata më e lartë në vend ka konstatuar se në këtë mënyrë është bërë shkelje e të drejtës së kujdesit për jetën e përbashkët familjare

Autoritetet e kantonit Zug kanë marrë një “shuplakë” nga Gjykata federale e Zvicrës. Pasi që kantoni nuk i kishte miratuar kërkesën për azil një familjeje nga Afganistani, ajo duhej të dëbohej nga Zvicra. Me atë rast autoritetet e kishin ndarë familjen, shkruan sda.ch.

Prindërit kishin kundërshtuar të ktheheshin pasi që, sipas tyre, nuk u ishin kthyer pasaportat që i kishin dorëzuar. Për këtë arsye, zyrtarët e kantonit i kishin vendosur ata në burg administrativ ndërsa fëmijët, në një strehimore fëmijësh.

Ankesën që ka bërë familja, Gjykata Federale e ka miratuar, sepse, sipas saj, familja ishte ndarë pa të drejtë, transmeton albinfo.ch lajmin që dot është në të gjitha mediat zvicerane.

Gjykata më e lartë në vend ka konstatuar se në këtë mënyrë është bërë shkelje e të drejtës së kujdesit për jetën e përbashkët familjare. Një ndarje e familjes mund të merrej në konsideratë vetëm si mjeti i fundit i mundshëm kështu që duheshin shqyrtuar masa tjera, alternative.