Lajme
Gjyqtari shqiptar në Zvicër, që mendon për kolegët kosovarë
Gjyqtari shqiptar, Bekim Zogaj, i cili e ndan drejtësinë në Zvicër, ka vendosur t’i ndihmojë kolegët e tij nga Kosova
Gjyqtari nga Prejlepi i Deçanit, i cili njëkohësisht është gjyqtar ndërkombëtar, instruktor dhe përgjegjës për talentet e rinj në kantonin e Cyrihut, e ka shfrytëzuar vizitën e tij në Kosovë për të dërguar edhe pajisje sportive për kolegët kosovarë.
Nuk është hera e parë që gjyqtari i vetëm shqiptar në Challenge Ligë të Zvicrës ndihmon kolegët e tij në Kosovë.
Ai kësaj here pajisjet ia dorëzoi në Prishtinë kryetarit të Komisionit të Gjyqtarëve të Futbollit të Kosovës, Ruzhdi Breznica.
“Për çdo pushim në Kosovë u kam dërguar pajisje gjyqtarëve, të cilët unë i njoh. Por këtë vit vendosa ta dërgoj një çantë në adresë të Ruzhdi Breznicës, kryetarit të Komisionit të Gjyqtarëve në Federatën e Futbollit të Kosovës”, tha për albinfo.ch Bekim Zogaj.
Përveç kësaj, gjyqtari i futbollit në Zvicër, Bekim Zogaj, ka shprehur gatishmëri që t’i ndihmojë gjyqtarët e Kosovës jo vetëm me pajisje, por edhe me mbajtjen e seminareve të ndryshme, duke sjellë edhe ekspertë zviceranë të gjykimit në kohën kur u përshtatet gjyqtarëve, sidomos në fillim të kampionatit dhe ndërmjet stinorëve.
“Unë u premtova se do t’ iu ndihmojë gjyqtarëve jo vetëm me pajisje sportive, por edhe në shkollimin e tyre. Do të sjell në Kosovë instruktorë të FIFA-s dhe UEFA-s, të cilët do të mbajnë ligjërata në Prishtinë. Po ashtu edhe unë si instruktor në Zvicër mund të organizoj shumë shpejt seminare në Kosovë. Sepse vetëm nëse ndryshojnë strukturat në Komisionin e Arbitrave dhe nëse gjyqtarët ndjekin seminare të ndryshme mund të rritet kualiteti shumë shpejt”, tha Zogaj.
Megjithatë, ai beson se Federata e Kosovës dhe gjyqtarët në krye me Ruzhdi Breznicën janë në rrugë të drejtë.
“Edhe pse në Kosovë të gjithë sportistët, gjyqtarët, trajnerët, kryesitë e klubeve, tifozët dhe Federata e Futbollit punojnë në kushte shumë të vështira, duhet të japin të gjithë së bashku maksimumin për të mirën e futbollit në Kosovë”, porosit gjyqtari Zogaj.
Gjyqtari, i cili prej dy vjetësh është futur në listë të FIFA-s për futboll të vogël, është befasuar me kualitetin e futbollit në Kosovë.
“Shfrytëzova rastin të ndjek ndeshjen Vëllaznimi – Lepenci, e cila ishte shumë fer dhe korrekte. Më së shumti më lanë përshtypje tifozët e të dyjave ekipeve. Të dy grupet e tifozëve treguan sjellje shumë të mirë. Po ashtu më befasoi pozitivisht kualiteti i futbollit në Kosovë”, rrëfen për vizitën e tij në Kosovë Bekim Zogaj.
“Të gjithë ishin shumë korrektë në këtë ndeshje. Nëse edhe trajnerët, edhe kryesuesit e klubeve tregojnë të njëjtën korrektësi si lojtarët në fushë, besoj se futbolli i Kosovës do të arrijë shumë shpejt standardet e kërkuara nga UEFA dhe FIFA”, tregon Zogaj.
Bekim Zogaj është me prejardhje nga fshati Prejlep i Deçanit dhe aktualisht është gjyqtar në Challenge Leaguen e Zvicrës dhe gjyqtar i FIFA-s në futboll. Momentalisht është i vetmi në Zvicër në listën e gjyqtarëve në FIFA. Po ashtu është edhe instruktor dhe shef i gjyqtarëve të talentuar në regjionin e Cyrihut.
Të tjera nga Lajme
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane