Gratë marshojnë për të drejtat e tyre në Kosovë

Ky parakalim ishte në kuadër të solidarizimit me dhjetëra shteteve të botës, me protestën “Gratë Marshojnë”, që doli si kundërshtim për gjuhën seksiste dhe denigruese ndaj grave, të përdorur nga Donald Trump në garën elektorale për president të SHBA-ve, derisa kjo po përdoret edhe në Kosovë

Sot në Prishtinë është mbajtur një protestë e organizuar nga Rrjeti i Grupeve të Grave të Kosovës kundër gjuhës seksiste dhe denigruese ndaj grave nga politikanët kosovarë, shkruan albinfo.ch.

Ky parakalim ishte në kuadër të solidarizimit me dhjetëra shteteve të botës, me protestën “Gratë Marshojnë”, që doli si kundërshtim për gjuhën seksiste dhe denigruese ndaj grave, të përdorur nga Donald Trump në garën elektorale për president të SHBA-ve, derisa kjo po përdoret edhe në Kosovë.

Sipas Igballe Rugovës, qëllimi i marshit është që të dërgohet mesazhi paralajmërues, se përdorimi i një fjalori të tillë nga tashmë presidenti i SHBA-ve, Donald Trump, do të kishte efekt në shumë vende të botës, për çka bëri thirrje që të ndalohet.

“Sot i jemi bashkuar këtij marshi që po ndodhë në të gjithë botën dhe e lidhim edhe me çështjet që kanë të bëjnë me Kosovën. Edhe tek ne, vitin e kaluar, ka nisur një gjuhë seksite ndaj grave. Gjithashtu kërkojmë më shumë të drejta për gratë, si në vendimmarrje, por edhe në çështje të tjera”, ka thënë ajo, derisa shumë pankarta kishte për të drejtat e grave në Kosovë.

Gjithashtu, u rikujtua se gjuha e tillë, po përdoret edhe në Kosovë, dhe gra në pozita të rëndësishme, kanë qenë cak i gjuhës së tillë. Marshi qendror në kuadër të iniciativës “Gratë marshojnë”, mbahet sot në Uashington, ndërsa zhvillohet edhe në 80 qytetet e 40 shtetet të ndryshme të botës.