Greikoci festoi Ditën e Flamurit në Wettingen të Zvicrës

Me rastin e 103 vjetorit të Pavarsisë së Shqipërisë, të shtunën, më 28 nëntor 2015 „Shoqata Greikoci“ me seli në Kleindöttingen AG organizoi një program festiv në Restaurant “Winkelried” të Wettingen-it, në kantonin Aargau-Zvicër.

Në këtë manifestim morrën pjesë mbi 350 shqipëtarë nga të gjitha trevat,i pranishëm ishte edhe konsulli i Republikës së Kosovës në Zürich, Salih Sefa.

„Shoqata Greikoci“ në bashkëpunim me aktorin e mirënjohur, Adem Kicaj organizuan një program të pasur kulturo-artistik në të cilën morrën pjesë këngëtarë të njohur si: Naxhije Fejza, Emin Racaj, Isak Karaxha,dhe këngëtarët nga Greikoci që udhëtuan special për këtë manifestim: Naser Kicaj, Majlinda Kurtishaj, Fatmir & Hasan Kurtishaj.

Në shfaqjet teatrale për Besim Ndrecajn dhe Ismail Qemalin përformuan artistët si:Florim Kleqka, Ilmi Hajzeri, Doruntina Jahelezi dhe Adem Kicaj.

Shoqata Greikoci falëndëron të gjithë pjesëmarrsit, artistët, ansamblin „Trojet“ nga Winterthuri, grupin e vallëzimit „Rinia“ nga Spreitenbach-u, që e hijeshuan me valle tradicionale shqiptare këtë manifestim.