Greqi: Të ardhurat nga turizmi, 1.5 miliardë euro gjatë tetorit

greqia - pixabay

Ministri grek i Turizmit, Vasilis Kikilias, është shprehur se të ardhurat nga turizmi tetorin e kaluar arritën në 1.5 miliardë euro, duke tejkaluar me 3.3 për qind tetorin e vitit 2019.

Sipas ministrit Kikilias, kjo vjen si rezultat i rritjes së ardhjeve nga tregje të rëndësishme me të cilat janë bërë marrëveshje strategjike këtë vit, duke përfshirë +69.2 për qind nga Britania e Madhe, +10.6 për qind nga Gjermania dhe + gjashtë për qind nga Franca, krahasuar me tetorin 2019.

Në të njëjtën kohë, ardhjet nga vendet e tjera gjithashtu u rritën në nivele mbresëlënëse, me +12,3 për qind nga Shtetet e Bashkuara, +28,1 për qind nga Franca dhe +83,2 për qind nga Mbretëria e Bashkuar në tërësi.

Në fund të muajit të kaluar, ministri i Turizmit zbuloi se deri në fund të vitit 2022, të ardhurat e Greqisë nga udhëtimet do të kalonin me tre miliardë euro buxhetin e vitit 2021.

Duke vënë në dukje se Greqia konsiderohet si një nga markat kryesore turistike në mbarë botën, autoritetet greke kanë bërë të ditur se këtë vit të ardhurat nga turizmi tashmë kanë kaluar 18 miliardë euro./Reuters