Gruaja më e shkurtër në botë

Një nga rekordmbajtëset më interesante të Librit të Rekordeve Guinness është Jyoti Kisanji Amge, një 24-vjeçare nga India që njihet si Gruaja më e shkurtër në botë.

Ajo ka këtë titull që nga viti 2011 dhe është e gjatë vetëm 62.8 centimetra.

Në një intervistë të fundit për “Beyond the Record”, Jyoti ka folur më shumë për jetën e saj si një prej yjeve më të mëdha të botës.

“Kur shkova për trajtim, doktori më tha se kam një limitim në hormone dhe kjo është arsyeja përse gjatësia ime u ndal së rrituri. Doktori më tha se për shkak të mungesë së hormoneve, gjatësia dhe pesha do të jenë të pandryshueshme”, shpjegon ajo, transmeton Albinfo.ch.

“Më e mira e gjatësisë sime është që jam bërë ekstremisht e famshme në botë. Kam vëmendjen e të gjithëve kudo që shkoj”, thotë ajo duke qeshur.

Gjatë viteve të rekordit, Jyoti është takuar edhe me fitues të tjerë të Rekordeve Guinness, si Chandra Dangi, Burri më i shkurtër ndonjëherë.

“U ndjeva shumë rehat dhe shumë e kënaqur që ka njerëz në botë sikur unë”, shton ajo.