Lajme
Gjermani: Kosovarja godet burrin e saj me makinë, pas një zënke me të
E dyshuara u largua pas krimit të saj pa u kujdesur për burrin e saj, por është ndaluar dhe arrestuar pak kohë më vonë nga policët e shërbimit të trafikut
Për shkak të një tentative vrasjeje, Zyra e Policisë Kriminale të Ravensburgut është duke hetuar një grua 34-vjeçare, transmeton albinfo.ch. Gruaja dyshohet se ka goditur me makinë burrin e saj pas një mosmarrëveshje të dielën e kaluar pasdite në Fronreute-Staig.
Burri është goditur nga automjeti dhe për pasojë është përplasur me kokë në një makinë të parkuar, duke pësuar kështu lëndime. Një autoambulancë e ka dërguar të lënduarin në spital për trajtim të mëtejshëm, nga ku është liruar të njëjtën mbrëmje, shkruan wochenblattnews.de.
E dyshuara u largua pas krimit të saj pa u kujdesur për burrin e saj, por është ndaluar dhe arrestuar pak kohë më vonë nga policët e shërbimit të trafikut Mühlhausen-Ehingen në A 98 pranë qytetit Stockach.
Me kërkesë të prokurorisë publike të Ravensburgut, gjyqtarin përgjegjës ka lëshuar një urdhër arresti ndaj shtetases kosovare për dyshimin e fortë për tentativë vrasjeje në kombinim me ndërhyrje të rrezikshme të qëllimshme në trafikun rrugor dhe dëmtim të rrezikshëm trupor, përcjell albinfo.ch. Në vazhdim, urdhëresa është zbatuar. E dyshuara më pas është dërguar në institucionin korrektues.
Hetimet për sqarimin e krimit janë duke vazhduar. Në këtë kuadër, prokuroria publike ka caktuar edhe një ekspert aksidentesh.
Të ngjashme
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n