Hapet Panairi i Librit në Frankfurt

Është hapur sot në Frankfurt panairi më i madh i librit në botë. Rreth 7300 botues nga më shumë se 100 vende të botës  prezantojnë librat e tyre në këtë panair.

Në qendër të panairit këtë vit është libri digjital dhe ndikimi i tij në tregun e librit. Në këtë mënyrë, panairi pranon se libri i shtypur po bëhet me konkurrentin e tij, gjë që kushtëzon edhe lindjen e modeleve krejtësisht të reja të shitjes së tij dhe të qasjes ndaj tij.

Panairi i librit në Frankfurt është edhe festë leximi të librave. Rreth 1000 autorë do të prezantojnë librat e tyre, në mesin e të cilëve edhe mjaft shkrimtarë me emër.

Fillimisht, panairi i kushtohet më shumë vizitorëve profesionistë, botuesve dhe të tjerëve nga kjo fushë, ndërsa e shtuna dhe e diela janë ditë të publikut.