“Kino Kosova” hap edicionin e 5-të në Cyrih me filma, diskutime dhe muzikë

Festivali katërditor sjell në ekran histori nga Kosova dhe diaspora nën temën “Mes Rezistencës dhe Parajsës: Histori mbijetese dhe shprese”.

Edicioni i pestë i festivalit Kino Kosova hap dyert këtë javë në Cyrih, duke sjellë për katër ditë radhazi filma, diskutime, muzikë dhe takime që bashkojnë zëra nga Kosova, diaspora dhe më gjerë. Tema e këtij viti është “Between Resistance and Paradise: Stories of Survival and Hope”, e cila trajton histori të mbijetesës, identitetit dhe shpresës,raporto albinfo.ch.

Festivali nis në kinemanë Kino Riffraff me dy filma që vendosin tonin e edicionit. Në orën 19:00 shfaqet filmi “Palace of Youth”, i regjisores Maddie Gwinn, i cili paraqet një skenë të re muzikore në Prishtina ku të rinjtë kërkojnë hapësirë për shprehje artistike mes tensioneve politike. Filmi ndjek historitë e Suadës, e cila synon të krijojë një hapësirë komunitare për muzikantët e rinj, Lekës që përballet me kufizime vizash në rrugën e tij si kitarist, dhe Edonës që rikthehet në muzikë pas viteve të heshtjes.

Në orën 21:00 do të shfaqet filmi “Era”, me regji nga Parta Kelmendi. Filmi na çon në vitin 1990 në Kosovë dhe ndjek historinë e një gruaje të re që përballet me zhvendosjen, familjen dhe kërkimin e zërit të saj. Pas shfaqjes do të zhvillohet diskutim me regjisoren dhe aktoren Zana Berisha. /Albinfol.ch

Programi i festivalit

E enjte – 14 maj

19:00 – Hapja e festivalit me filmin Palace of Youth + diskutim me regjisoren Maddie Gwinn
21:00 – Shfaqja e filmit Era + diskutim me regjisoren Parta Kelmendi dhe aktoren Zana Berisha

E premte – 15 maj

18:20 – Shfaqja e filmit Bukuria e Gomarit (La Beauté de l’Âne) + diskutim me regjisoren Dea Gjinovci
22:00 – Koncert me grupin ZWADA në Helsinki Klub

E shtunë – 16 maj

16:40 – Program me filma të shkurtër + diskutim me regjisoren Ermela Teli për filmin Në Parajsën Socialiste Nuk Bie Shi

E diel – 17 maj

19:00 – Shfaqja e filmit House With a Voice + diskutim me regjisoren Kristine Nrecaj

Të gjitha shfaqjet e festivalit Kino Kosova do të mbahen në kinemanë Kino Riffraff në Cyrih, duke ofruar një hapësirë ku publiku mund të njohë nga afër historitë, kulturën dhe perspektivat artistike që vijnë nga Kosova dhe diaspora.

Më shumë informata në: https://www.kinokosova.com/

---