Haxhiu: “Dua” nderon Kosovën në Cannes, vlerësohet zëri autorial i filmit me çmimin SACD

Ushtruesja e detyrës së presidentes së Kosovës, Albulena Haxhiu, ka reaguar pas lajmit se filmi “Dua” i regjisores Blerta Basholli ka fituar çmimin prestigjioz SACD në kuadër të Semaine de la Critique të Festivalit të Cannes-it.

Haxhiu e ka vlerësuar këtë çmim si të rëndësishëm për autorësinë kinematografike, duke theksuar se ai shpërblen zërin autorial dhe origjinalitetin krijues të filmit, transmeton albinfo.ch.

Ajo ka uruar regjisoren Blerta Basholli, aktoren Pinea Matoshi dhe gjithë ekipin e filmit, duke e cilësuar këtë sukses si një hap të rëndësishëm për prezantimin e Kosovës në kinematografinë ndërkombëtare.