Me helikopter dhe me qenë policorë në ndjekje të një “personi të dhunshëm”

Në ndjekje të personit i cili përshkruhet si “i dhunshëm”, janë mobilizuar shumë policë të armatosur ndërsa janë angazhuar edhe qenë policorë dhe madje edhe një helikopter i policisë

Që nga ora 13 e pasdites deri në këto momente, Policia e Kantonit Aargau është duke kërkuar një person, i cili kishte ushtruar dhunë mbi partneren e tij, në komunën Boswil të këtij kantoni.

Në ndjekje të personit i cili përshkruhet si “i dhunshëm”, janë mobilizuar shumë policë të armatosur ndërsa janë angazhuar edhe qenë policorë dhe madje edhe një helikopter i policisë, bëjnë të ditur azonline.ch, 20minuten.ch, blick.ch etj.

Këtë mobilizim e ka konfirmuar edhe një zëdhënëse e policisë së Kantonit.

Me gjithë këtë mobilizim të madh, policia nuk jep detaje lidhur me rastin, transmeton albinfo.ch Ajo po ashtu nuk precizon nëse personi i ndjekur është i armatosur..

E gjithë ajo që dihet tash për tash, është se ky person edhe në të kaluarën ka pasur zënka me partneren dhe, se sipas fqinjëve, ai ka ushtruar dhunë ndah saj, kur ajo ka dashur të ndahej.

Policia ka kërkuar nga banorët e komunës që të mos largohen nga shtëpitë e tyre gjatë kohës sa është duke vazhduar aksioni kërkues.