Hendbollistët shqiptarë të Zvicrës, shkëlqejnë për Kosovën

Tre hendbollistët nga Zvicra, Valon Dedaj, Sharr Ramadani dhe Luigj Quni kanë shkëlqyer për Kosovën

Kosova ka arritur barazimin e parë në arenën ndërkombëtare në hendboll te meshkujt, kurse hendbollistët nga diaspora, përkatësisht nga Zvicra, ishin ndër më të merituarit për këtë sukses historik, shkruan albinfo.ch.

Kosova barazoi 24:24 me Turqinë, në ndeshjen e zhvilluar në Prishtinë, derisa ishte shumë afër që të shënonte fitore, pasi pothuajse gjatë tërë pjesës së dytë ishte në epërsi.

Tre hendbollistët nga Zvicra, Valon Dedaj, Sharr Ramadani dhe Luigj Quni kanë shkëlqyer për Kosovën. Quni ishte shënuesi më i mirë me gjashtë gola, kurse katër realizoi Dedaj, madje golin e barazimit, pasi veç kishte përfunduar koha e rregullt. Ramadani shënoi tre gola në pjesën e dytë, duke e ndihmuar mjaft Kosovën.

Në fazën e parë të grupeve, Turqia prinë në Grupin B me tri pikë, ndërsa Kosova ka një. Estonia s’ka pikë. Ndeshjen e ardhshme Kosova e luan në janar me Estoninë.