Tematike
Himni i Zvicrës, në versionin e tij ballkanik
Me “himnin” më të ri, të plasuar 2 ditë para festës kombëtare të Zvicrës bëhet një përpjekje për të pasqyruar realitetin e ri të Zvicrës
Për disa skandal, për të tjerët pasqyrim besnik i realitetit. Ky është reagimi pas “ballkanizimit” të himnit zviceran që i ka bërë Ivica Petrusic, nënkryetar i second@Plus, organizatë që përfaqëson interesat e të huajve të brezit të dytë në Zvicër.
Petrusic, së bashku me një orkestër zvicerane që bën muzikë në frymën e folkut ballkanik, ka përpunuar himnin nacional të Zvicrës “Psalmet zvicerane” duke i dhënë atij një ngjyrim melodik shumë të ndryshëm krahasuar me origjinalin. Boritë ballkanike kanë rolin kryesor në këtë orkestrim të ri, ndërsa aty hyjnë edhe fjalë nga gjuhët më të folura në Zvicër, në vend të përkthimit të tekstit nga gjermanishtja.
Petrusic, duke iu përgjigjur gazetës Tages Anzeiger lidhur me “himnin” më të ri, të plasuar 2 ditë para festës kombëtare të Zvicrës thotë se ai paraqet një përpjekje të sinqertë për të pasqyruar realitetin e ri të Zvicrës. Shumetniciteti i vendit shpaloset edhe në këtë këngë ka thënë ai.
Ndërkaq, rreth asaj se pse në këtë mes hyjnë në lojë” pikërisht muzika dhe gjuhët e Ballkanit, “Petrusic thotë: “Ballkanasit janë në Zvicër sot ata që italianët dhe spanjollët ishin para shumë vitesh. Sot të rinjtë nga Ballkani si Xherdan Shaqiri, japin gola për kombëtaren e futbollit të Zvicrës sikur jepnin para njëzet vitesh ish të rinjtë nga Italia si Ciriako Sforca me shokë.
Edhe në organizatën secon@plus, ku fillimisht fjalën kryesore e kishin italianët dhe spanjollët, sot mbizotërojnë ballkanasit. Kryetare në nivel të Zvicrës është shqiptarja nga Kosova Ylfete Fanaj, nënkryetar Ivica Petrusic, kroat nga Bosnja. “
Nga rreth 100 të rinj që na janë bashkuar vitin e kaluar, shumica e madhe janë me prejardhje nga Ballkani. Madje nga të gjitha etnitë e Ballkanit”, i ka thënë Ylfete Fanaj gazetës “Tages Anzeiger”.
Ajo shton se njerëzit nga vendet e ish Jugosllavisë vazhdojnë të përballen me paragjykime në jetën e tyre të përditshme. “Shumë prej tyre ndjehen të instrumentalizuar nga politika që po ndiqet aktualisht në Zvicër dhe nuk dëshirojnë që të lejojnë të luhet më me ta”, ka thënë 29 vjeçarja, deputete e Parlamentit të kantonit të Lucernit.
Second@s Plus angazhohet veç tjerash për të drejtën e votës në nivel kantoni për të huajt dhe për aplikim me emra anonimë në vendet për kualifikim (Lehre), në mënyrë që edhe të rinjtë me mbiemra tipikë ballkanikë të kenë shansin e tyre.
Të tjera nga Tematike
E-Diaspora
-
400 mijë të regjistruar përmes platformës e-diaspora Teksa Kosova ka hyrë në ditët e funfit të procesit të regjistrimit të popullsisë është rritur...
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
Jeta në Zvicër
-
Zvicra ‘shtyn’ ukrainasit të punojnë më shumë Plani synon që 40% të funksionojë deri në fund të 2024 dhe 45% deri në fund...
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet
-
Zvicra në referendum për të ndalur rritjen e popullsisë
-
Protesta, arrestime, diskualifikime: Kjo ishte finalja e Eurovisionit