Kosova
HISTORIKE: Kosova, me ushtri
Tashmë edhe Kosova e ka ushtrinë e saj
(E plotësuar)
Pas votimit të pr. ligjit të parë, që transformonte Ministrinë për FSK-në në Ministri e Mbrojtjes së Kosovës, Kuvendi me 107 deputetët e pranishëm në seancën e sotme plenare miratuan me 106 vota pro edhe pr.ligjin për Forcën e Sigurisë së Kosovës.
“Me këtë votim, sot fillon një epokë e re për shtetin tonë, nga ky moment kemi zyrtarisht ushtrinë e Kosovës. Në sallë kemi kadetët e Forcës së Sigurisë së Kosovës, që nga sot janë ushtarët e Kosovës. Urime, ushtarë, nga sot gatitu!”, u shpreh kryeparlamentari Veseli duke mbyllur kështu seancën.
Të trija pr.ligjet, bashkë me atë të fundit për shërbimin në FSK, i hapën rrugë kështu formimit të ushtrisë së Kosovës, plot 10 vjet pas shpalljes së pavarësisë.
Kuvendi i Kosovës sapo miratoi me 106 vota pro, një abstenim dhe asnjë votë kundër projektligjin për transformimin e Ministrisë për Forcën e Sigurisë së Kosovës në Ministri të Mbrojtjes, shkruan albinfo.ch.
Kjo ishte pika e parë e rendit të ditës, me 11 amendamente të miratuara veçmas dhe ligji më pas në tërësi, duke e shndërruar tashmë ministrin Rrustem Berisha nga ministër për FSK-në në ministër të Mbrojtjes.
Ndërkohë që është duke u zhvilluar votimi nen për nen për pikën e dytë, atë për pr. ligjin për Forcën e Sigurisë së Kosovës, që ndonëse nuk do të ndryshojë emër, do të marrë kompetenca të reja në fushën e mbrojtjes.
Pas kësaj do të votohet edhe për pr.ligjin e tretë në rendin e ditës, atë për shërbimin në FSK-në e transformuar në ushtri.
Në Kuvendin e Kosovës janë të pranishëm 107 deputetë, nga të cilët 106 kanë votuar elektronikisht, ndërsa një deputete votonte duke ngritur dorën.
Në hapje të seancës plenare për formimin e ushtrisë së Kosovës, kryeparlamentari Kadri Veseli ftoi të gjithë të pranishmit në sallë, të mbanin një minutë heshtjeje në nderim të të gjithë brezave, që në kohë e rrethana të ndryshme sakrifikuan për ditën e sotme.
Formimin e Ushtrisë e kanë përkrahur Shtetet e Bashkuara të Amerikës.
Të ngjashme
Të tjera nga Kosova
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor