Lajme

Holanda i jep fund bllokimit – por kafenetë dhe kultura mbeten të mbyllura

Dyqanet, floktoret dhe klubet sportive si dhe universitetet mund të rihapen nga e shtuna. Këtë e ka bërë të ditur kryeministri Mark Rutte të premten në mbrëmje

Holanda i ka dhënë fund bllokimit të rreptë pas gati katër javësh dhe këtë e ka bërë nën presionin e fortë të sipërmarrësve. Por megjithatë, disa masa të rrepta mbeten.

Dyqanet, floktoret dhe klubet sportive si dhe universitetet mund të rihapen nga e shtuna, transmeton albinfo.ch. Këtë e ka bërë të ditur kryeministri Mark Rutte të premten në mbrëmje.

Restorantet, muzetë, teatrot dhe kinematë mbeten të mbyllura. Banorët dhe sektori kulturor janë të indinjuar, shkruan srf.ch duke ju referuar mediave holandeze.

Në funksion të numrit në rritje dramatike të infeksioneve, shumë sektorë nuk mund të hapeshin në të njëjtën kohë, është shprehur Rutte. “Të hapen të gjitha në të njëjtën kohë nuk është e mundur, rreziku është shumë i madh”. Prandaj, mund të ketë lehtësim të ri në fund të muajit.

Ministri i Shëndetësisë Ernst Kuipers ka folur për një “fazë të re të pandemisë”. Nevoja për hapje, mes qytetarëve dhe sipërmarrësve është e madhe, transmeton albinfo.ch. “Ne duhet të mësojmë të jetojmë me virusin.” Megjithatë, rreziku i mbingarkesës së sistemit të kujdesit shëndetësor mbetet i lartë.

Rezistenca ndaj masave të ashpra në Holandë ishte rritur ndjeshëm në ditët e fundit.


LAJME INTERESANTE NGA INTERNETI