Hoxha thotë se procesi integrues është rruga jonë e vetme

Gjatë konferencës dedikuar 10-vjetorit të nënshkrimit të MSA-së mes Malit të Zi dhe Bashkimit Evropian, ministrja e Integrimit Evropian, Dhurata Hoxha, ka takuar eurodeputetin Eduard Kukan, të cilin e ka falënderuar për përkushtimin e pakursyer në procesin euro-integrues të Ballkanit Perëndimor.

Ajo është shprehur se procesi integrues për Kosovën nuk është alternativë, por është rruga jonë e vetme.

“Përkushtimi ynë në këtë drejtim është i fuqishëm. Kemi dhënë afatet për institucionet përgjegjëse për zbatimin e prioritetit tonë nacional – procesit integrues”, theksoi ministrja Hoxha, përcjell albinfo.ch.

Eurodeputeti Kukan vuri në dukje se marrëveshjet e arritura në Bruksel janë e arritur e Kosovës dhe zbatimi i MSA-së gjen përkrahje të fuqishme edhe në Parlamentin Evropian.