Hungaria fillon arrestimin e refugjatëve

KEYSTONE

Ushtria hungareze ka nisur patrullimin në kufi me Serbinë, policia ka arrestuar emigrantët e paligjshëm. Budapesti ka deklaruar një situatë krize në dy komuna në jug të vendit. Ligjet e rrepta që hyn në fuqi nga mesnata në Hungari po zbatohet në mënyrë të plotë. Janë arrestuar 60 persona brenda natës që kanë tentuar të kalojnë rrethojat kufitare, raportojnë mediat e huaja, percjell albinfo.ch.

Pas mbylljes së kufirit (me Serbinë), në tri vende, tri grupe nga 16 persona, të gjithë janë arrestuar për kalim ilegal të kufirit. Ata janë aktualisht në paraburgim, tha kolonel Laszlo Balazs, kreu i policisë kufitare.
Hendeku në kufirin ndërmjet Serbisë dhe Hungarisë bëhet shumë i vogël. Rreth njëqind refugjatë kanë hyrë në grevë urie  në “tokën e askujt”, me parulla: “Pa ushqim, pa ujë”.

Kalimi në kufirin në Horgos është i mbyllur. Këtu janë të vendosur “salla gjyqi” në kontejnerë për azilkërkuesit. Sipas ligjit të ri, kalimet e paligjshme të kufirit mund të sanksionohen deri në tre vjet burgim. Ministri serb, Vulin, i cili është përgjegjës për krizën e migracionit, tha se qeveria hungareze është njoftuar me grumbullimin e emigrantëve në kufirin e saj.

Ai i kërkoi Budapestit për të hapur kufirin. Gjykata Administrative në Austri ka vlerësuar Hungarinë vend të pasigurt për azilkërkuesit. Pas 20.000 refugjatëve që kaluan dje në Austri,  sot kanë hyrë edhe 5.000 të tjerë.
Evropa është e ndarë në çështjen e emigrantëve.

Ministrat e BE-së janë duke pritur për një vendim përfundimtar për të vendosur rreth 120 mijë refugjatëve.