I riu nga Deçani humb jetën në aksident trafiku në Zvicër

Kryetari i Deçanit, Bashkim Ramosaj ka ngushëlluar familjen Alaj pas vdekjes në një aksident trafiku në Zvicër të të riut, Rrustem Alaj.

“I tronditur nga lajmi për humbjen tragjike të jetës së të riut Rrustem (Asllan) Alaj nga Dranoci.

Shprehë ngushëllimet më të sinqerta për familjen Alaj, miqëve, shokëve dhe gjithë qytetarëve të komunës së Deçanit. Zoti ua lehtësoftë dhimbjen!”, ka shkruar ai në Facebook, transmeton Klan Kosova, përcjell albinfo.ch.

Detajet tjera nga ky aksident nuk janë bërë të ditur, se si ka ndodhur rasti, apo edhe ku saktësisht në Zvicër.

Lajmi është konfirmuar nga familjarët e të ndjerit.

“Me dhimbje pranuam lajmin që aksidentalisht ka ndërruar jetë në Zvicer, bashkëvendësi ynë, i riu nga Dranoci i Deçanit, Rrustem Alaj,”, thuhet në njoftimin në Facebook.