Instagrami, nën hetime nga BE-ja

Instagram është nën hetim nga Komisioni për Mbrojtjen e të Dhënave në Irlandë (DPC) për mënyrën se si ka menaxhuar të dhënat personale të fëmijëve në platformë.

Aplikacioni i medias sociale në pronësi të Facebook-ut mund të përballet me një gjobë të madhe nëse Instagram ka shkelur ligjet e privatësisë.

Lajmin vjen pas raportimeve se Instagram ka dështuar të mbrojë të dhënat, përfshirë adresat e-mail, numrat e telefonëve të fëmijëve nën 18 vjeç.

Facebook ka mohuar akuzat dhe tha se është duke bashkëpunuar me DPC. Një numër gjigantësh të teknologjisë kanë zyrat e tyre në Irlandë dhe DPC është autoriteti kryesor rregullator në Bashkimin Evropian bazuar në rregulloren e re GDPR miratuar në 2018-ën.

DPC ka përgjegjësinë të mbrojë të drejtat dhe privatësinë e individëve online dhe zotëron fuqinë të vendosur gjoba të mëdha. Facebook po hetohet nëse mbështetet tek një bazë ligjore për përpunimin e të dhënave dhe nëse ka marrë masat e duhur për t’i mbrojtur fëmijët në Instagram.

Sipas raportimeve hetimet nisën nga një ankesë e bërë vitin e kaluar nga shkencëtari i të dhënave David Stier, i cili analizoi profilet e mëse 200 mijë përdoruesve të Instagram.

Ai kishte gjetur se të paktën 60 milionë përdorues ishin nën moshën 18 vjeç dhe kishin mundësinë për të shndërruar profilet e tyre në llogari biznesi.

Për ta shndërruar në llogari biznesi, duhet të ofroni një numër telefoni dhe një adresë e-maili të cilat janë publike. I njëjti informacion gjendej edhe në kodimin burimor të HTML që do të thotë se hakerët mund ta merrni me lehtësi.

Facebook ende nuk ka hequr informacionet nga kodi burimor, ndërsa Stier argumentonte se hakerët mund të kenë vjedhur informacione personale nga Instagram. /PCWorld Albanian