Kosova
Si i mashtronin gjermanët përmes “Call Center” nga Kosova
Për këto punë mashtruese tregon ish-punëtorja e një "call center" që u bastis nga policia e Kosovës
Një ditë pasi policia e Kosovës bastisi disa “Call Center” në Ferizaj e në Prishtinë, ku sekuestroi mbi 160 mijë euro e 6 vetura, një ish-punëtore i njërës nga këto biznese ka rrëfyer ekskluzivisht për Gazetën Infokus se si i “mashtronin” gjermanët përmes telefonit nga Kosova.
Cak kryesor i tyre ishin persona mbi moshën 65-vjeçar në Gjermani.
Përmes agjentëve të saj, të cilët duke ndryshuar identitetin e tyre me emra të ndryshëm, të punësuarit e “Wise Marketin Call” i ftonin gjermanët të blinin produktet të ndryshme.
“Gjithmonë kemi pas me thirr gjermanët, nëse rastësisht ndonjë numër ka qëllu i ndonjë shqiptari, atëherë automatikisht e kemi ndal thirrjen. Emrin e firmës e kemi prezantuar si Capwelt (emër fikiv)”, tregon ish-punëtorja e kësaj qendreje të thirrjeve, e cila nuk dëshiron të bëjë publik emrin e saj.
Për shkak të theksit të gjuhës, ajo nuk prezantohej si shqiptare para klientëve.
“Emrin e kemi bo një internacional, kjo pasi gjermanët e kanë dalluar theksin tonë që s’jemi gjerman”, tregon ajo për Gazetën Infokus.
Ajo nuk ishte e vetmja që përmes telefonit tentonte të bindte klientët e moshuar të blejnë produkte të ndryshme.
Bashkë me kolegët e saj, gjermanëve u ofronin kriptovaluta, sidomos bitcoin, aksione në firma të ndryshme, burime natyrore të naftës, ari e këmbim valutash, shkruan Gazeta Infokus.
Këtë e konfirmon edhe Prokuroria Speciale, e cila të mërkurën ka lëshuar dy komunikata rreth këtij rasti.
“Prokuroria Speciale njofton se personat e dyshuar në këtë rast kanë joshur dhe mashtruar qytetarët e ndryshëm nga Gjermania përmes platformave online “call center” duke iu ofruar për të investuar në aksione të ndryshme, si dhe në kriptovaluta që në këtë rast kanë qenë platforma fiktive dhe të dyshimtit kanë përvetësuar shuma të mëdha të hollash”, thuhej në njërën nga komunikate e Prokurorisë.
Lidhur me këtë rast 18 persona janë arrestuar të mërkurën nga Policia e Kosovës në operacionin e zhvilluar në 17 lokacione të ndryshme në qytetin e Prishtinës dhe Ferizajit, shkruan Gazeta Infokus, përcjell Albinfo.ch.
Gjithashtu gjatë këtij veprimi policor janë sekuestruar mbi 160 mijë euro, si dhe 6 vetura.
Wise Marketing Call, është në pronësi të familjes Dervish nga Burreli i Shqipërisë, ndërsa ka pasur dy lokale në Prishtinë, njëra nga to i cili është bastisur ishte në lagjen Pejton në kryeqytet.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?