Izraeli dhe Hamasi, afër marrëveshjes për armëpushim

Keystone (AP Photo/Fatima Shbair)

Afro 5 muaj pas fillimit të luftimeve, Izraeli dhe Hamasi po shkojnë drejt një marrëveshjeje për armëpushim dhe lirimin e disa prej pengjeve që ende mbahen nga grupi militant në Gaza, ndërsa agjencia e OKB-së për fëmijë ka paralajmëruar se 17 mijë fëmijë kanë mbetur pa familje ose janë ndarë prej tyre gjatë kësaj periudhe, transmeton albinfo.ch.

Ndërmjetësuesi mes Izraelit dhe Hamasit ka qenë Katari, prej ku u tha se grupi militant kishte dhënë mbështetjen fillestare për një marrëveshje pas javësh negociatash delikate dhe të fshehta, ndërsa ende pritet një përgjigje përfundimtare.

“Nuk mund të themi se faza aktuale e negociatave është zero dhe në të njëjtën kohë nuk mund të themi se kemi arritur marrëveshje”, ka thënë Taher al-Nono, këshilltar i shefit të Byrosë Politike të Hamasit me bazë në Katar, shkruan TheGuardian.

Sipas njoftimit, propozimi parashikon armëpushim rreth gjashtë javë, në të cilën palestinezët në Gaza do të lejohen të lëvizin lirshëm rreth bregut, ndërsa pengjet do të lirohen në tre faza në këmbim të të burgosurve palestinezë që po mbahen në Izrael.

Gratë, fëmijët dhe të burgosurit e sëmurë dhe të moshuar që mbahen nga Hamasi do të lirohen së pari, pastaj ushtaret femra në fazën e dytë. Në fazën përfundimtare, më të ndjeshme, ushtarët e vegjël dhe trupat e pengjeve të vdekur parashihet të lirohen.