Integrimi
Ja kur mund t`u hiqet viza B dhe C të huajve me ndihma sociale
Heqja e vizës C (qëndrimi i përhershëm) parashihet vetëm pasi që personi i kësaj kategorie për 5 vjet me radhë të ketë marrë në emër të ndihmave sociale nga 80 mijë franga në vit
Të huajt të cilët jetojnë nga ndihmat sociale, sipas ligjit, mund ta humbin të drejtën e qëndrimit në Zvicër, bazuar në këtë fakt. Mirëpo siç tregojnë shifrat e publikuara së fundi, kjo gjë në kantonin Aargau nuk ndodh pothuaj fare. Siç shkruan gazeta «Aargauer Zeitung», ligji për të huajt parasheh që jo vetëm leja e përkohshme e qëndrimit (B) por edhe ajo e përhershme (C) mund t`u hiqet të huajve të cilët jetojnë të varur nga ndihmat sociale. Edhe në kantonin Aargau një gjë e tillë ndiqet në mënyrë «konsekuente», thuhet në përgjigjen që qeveria e kantonit i ka dhënë një mocioni të bërë nga partia BDP.
Rreth gjysma e personave që marrin ndihma sociale në këtë kanton përbëhet nga shtetas të huaj, dhe nëse do të kishte zbatim konsekuent të ligjit, duhej të dëboheshin rreth 7000 veta nga Zvicra, vetëm nga ky kanton, transmeton albinfo.ch gazetën në fjalë. Por në realitet gjatë pesë viteve të fundit vizat B u janë marrë 11 të huajve që kanë shfrytëzuar ndihmat sociale ndërsa asnjë i huaj me vizë C nuk e ka humbur këtë leje qëndrimi për shkak të ndihmave sociale.
Që t`i tërhiqet leja e qëndrimit (B) një të huaji, Zyra për Migrim dhe Integrim në këtë kanton zbaton rregulla të ashpra në përputhje me një vendim të marrë nga Gjykata Federale. Sipas tij, për të humbur lejen e qëndrimit në Zvicër një person me shtetësi të huaj duhet të ketë mbetur i varur nga ndihmat sociale me fajin e vet. Dhe shuma e ndihmave sociale që ka marrë ai duhet të jetë «e konsiderueshme», gjegjësisht 50 mijë franga për person në vit, përcjell albinfo.ch. Po ashtu duhet të ekzistojë një «prognozë e keqe» për pavarësimin e shpejtë të shfrytëzuesit të ndihmave sociale.
Ndërsa heqja e vizës C (qëndrimi i përhershëm) parashihet vetëm pasi që personi i kësaj kategorie për 5 vjet me radhë të ketë marrë në emër të ndihmave sociale nga 80 mijë franga në vit. Kësaj i shtohet edhe rregulli i shkruar në Ligjin për të Huajt se statusi i qëndrimit të përhershëm një të huaji i cili ka qëndruar 15 vjet në Zvicër nuk mund t`i hiqet duke u bazuar vetëm në faktin se ka marrë ndihma sociale.
Të tjera nga Integrimi
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Deputetët e Gjenevës shprehen kundër dhënies së të drejtave të plota politike për të huajt Banorët e vjetër të qytetit dhe kantonit më ndërkombëtar të Zvicrës tashmë kanë të drejtë të...
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë