Ja kush do ta përfaqësojë Zvicrën në Eurovision 2017

Timebelle do të përfaqësojë Zvicrën në Eurovision Song që do të mbahet në maj 2017 në Kiev (Ukrainë). Grupi nga Berna fitoi finalen të dielën në Kreuzlingen (TG), garë e cila u transmetua nga Radio televizioni zviceran (RTS) si dhe kanalet e tjera kombëtare. Para dy vjetësh Timebelle sapo kishte humbur zgjedhjen e saj për të […]

Timebelle do të përfaqësojë Zvicrën në Eurovision Song që do të mbahet në maj 2017 në Kiev (Ukrainë). Grupi nga Berna fitoi finalen të dielën në Kreuzlingen (TG), garë e cila u transmetua nga Radio televizioni zviceran (RTS) si dhe kanalet e tjera kombëtare.

Para dy vjetësh Timebelle sapo kishte humbur zgjedhjen e saj për të përfaqësuar Zvicrën në Edinburg të Skocisë. Kësaj radhe grupi fitoi biletën e tij me këngën “Apollo”, e pëlqyer nga shikuesit.

Gjashtë artistet në garë të dielën, të gjitha gra, kanë qenë të përzgjedhura nga një juri profesionale gjatë muajit dhjetor 2016, të cilët kanë vlerësuar cilësinë e zërit dhe paraqitjen në skenë. Të dielën publiku pati fjalën e fundit në përcaktimin e fituesit nëpërmjet telefonit dhe SMS-ve.

E vetmja  frankofone që konkurronte quhej Shana Pearson dhe ishte nga Lozana. Në vitin 2013 ajo kishte siguruar pjesën e parë të koncertit të Justin Bieber në Strasburg.

Eurovisioni bashkon çdo vit rreth 40 shtete pjesëmarrëse dhe 200 milionë shikues. Zvicra është një anëtare themeluese e konkursit të krijuar në vitin 1956, por e ka fituar çmimin vetëm dy herë: në vitin 1956 dhe në vitin 1988 falë Celine Dion.