Ja sa futbollistë nga Kosova luajnë në Superligën zvicerane

Asnjë ekip në Supërligën zvicerane të futbollit nuk ka më shumë futbollistë kosovarë se sa FC Zürich. Me dy lojtarët e përfaqësueses kosovare, Hekuran Kryeziun dhe Benjamin Kolollin, ekipi ka fituar dy përforcime të mëdha

Kur FC Zürich e fitoi derbin kundër GC të dielën e kaluar, në lojë u angazhuan shtatë lojtarë nga pasardhësit e FCZ. Futbollistët e rinj, si Kevin Rüegg dhe Alain Nef, p adyshim janë faktorë suksesi.

Por ka ende diçka prapa sezonit të mirë të FCZ, që filloi me dy fitore në tri ndeshje. Në përfundim të ndeshjes derbi, në fushë kanë qenë katër lojtarë me rrënjë nga Kosova, shkruan “Blick”, përcjell Albinfo.ch.

Përveç dy futbollistëve shqiptarë nga Kosova, Hekuran Kryeziu (25) dhe Benjamin Kololli (26), të rritur në Zvicër, të cilët tani janë pjesë e FCZ, në fushë janë paraqitur edhe Mirlind Kryeziu (21) dhe Toni Domgjoni (19), futbollistë të ekipit zviceran U, prindërit e të cilëve emigruan nga Kosova në Kroaci, para lindjes së tyre.

Në kuadrin profesionist të ekipit janë edhe dy lojtarë të tjerë shqiptarë, Lavdrim Rexhepi (20) dhe Bledian Krasniqi (17). Kosova po e bën FC Zurichin të fortë! Përforcimi i ardhur Kololli, për ditët e tij të para tek FCZ, pohon: “Kjo më ndihmoi në integrimin. Hekin unë e njoh nga Përfaqësuesja zvicerane, Mirlindin nga Bieli”, përcjell tutje albinfo.ch.

Ekipi kombëtar i shtetit të ri ballkanik me trajnerin Bernard Challandes është kënaqësi shpirtërore për Kolollin. “Më pëlqen të luaj për kombëtaren, edhe unë dua të festoj atje suksese. Ne luajmë në Ligën e Kombeve kundër Maltës, Ishujt Faroe dhe Azerbajxhanit. Jemi duke pritur sukses”.

Kampionati ri i UEFA-s është një mundësi e re për xhuxhin futbollistik që të kualifikohen për Kampionatin Evropian 2020. Edhe për fituesit e Ligës D me ekipet më të dobëta si Kosova, Lihtenshtajni, San Marino ose Andora një vend në Kampionatin Evropian është i hapur.

Ja sa shumë lojtarë nga Kosova ka në ekipet e tjera të Super Ligës zvicerane:

Xamax

Arbenit Xhemaili (20),

Samir Ramizi (27),

Dilan Qela (20),

Liridon Mulaj (19),

Kemal Ademi (22)

GC

Meriton Kastrati (20),

Gjelbrim Taipi (25),

Bujar Lika (25),

Shani Tarashaj (23)

Basel

Albian Ajeti (21),

Taulant Xhaka (27),

Tician Tushi (17)

Luzern

Dren Feka (21),

Idriz Voca (21),

Shkëlqim Demhasaj (22)

Sion

Ermir Lenjani (29),

Burim Kukeli (34)

Lugano

Jetmir Krasniqi (23),

Eris Abedini (19)

St Gallen, Thun, YB

nuk ka

---