Ja sa para po shpenzohen në fushatat rreth nismës “Jo Zvicrës 10 milionëshe”

Sipas Zyrës Federale Zvicerane të Auditimit, fushatat pro dhe kundër së bashku kanë në dispozicion rreth 15.5 milionë franga

Më 14 qershor, votuesit zviceranë do të vendosin, ndër të tjera, për iniciativën e SVP-së “Jo Zvicrës 10-Milionëshe”. Kjo iniciativë synon të frenojë rritjen e numrit të të huajve në vend, përmes masave të ndryshme.

Një sasi e konsiderueshme parash po shpenzohet në fushatën që rrethon këtë të ashtuquajtur iniciativë qëndrueshmërie, transmeton albinfo.ch.

Kështu,  sipas Zyrës Federale Zvicerane të Auditimit, fushatat pro dhe kundër së bashku kanë në dispozicion rreth 15.5 milionë franga, shkruan srf.ch. Buxheti për mbështetësit e iniciativës është 6.4 milionë franga, ndërsa kundërshtarët kanë 9 milionë franga, marrë së bashku.

Nga ana tjetër, shumë më pak para po ndahen për iniciativën e votimit të dytë, ndryshimin e Aktit të Shërbimit Civil. Këtu, fushatat pro dhe kundër secila ka rreth 300,000 franga në dispozicion.

---