Tematike
Janar: Më shumë azilkërkues se në dhjetor e më pak se në janarin e vitit 2017
Sikurse gjatë gjithë vitit që shkoi, edhe në janarin e këtij viti, numrin më të madh të kërkuesve të azilit në Zvicër e kanë përbërë eritreasit. Nga ky vend afrikan janë regjistruar 260 azilkërkues, ose 25 më shumë se në dhjetor
Gjatë muajit janar të vitit 2018 në Zvicër janë regjistruar 1431 kërkesa të azilit, që janë 10 për qind më pak se në janarin e vitit 2017. Mirëpo, siç bën të ditur Sekretariati Shtetëror për Migracion (SEM), ky numër është për një të pestën më i madh se ai i regjistruar në muajin dhjetor të vitit 2017.
Ky shtim shpjegohet me shtyrjen për në janar të regjistrimit të kërkesave të ardhura gjatë dhjetorit të vitit të kaluar, thonë në SEM, shkruan albinfo.ch.
Sikurse gjatë gjithë vitit që shkoi, edhe në janarin e këtij viti, numrin më të madh të kërkuesve të azilit në Zvicër e kanë përbërë eritreasit. Nga ky vend afrikan janë regjistruar 260 azilkërkues, ose 25 më shumë se në dhjetor. Pas tyre vijnë azilkërkuesit nga Siria (107), nga Gjorgjia (100), nga Somalia (93) dhe nga Turqia (74).
Azili gjatë janarit u është njohur gjithsej 518 vetave nga 2255 kërkesa azili që SEM ka përpunuar gjatë këtij muaji, e ku hynë një numër i madh i kërkesave të bëra gkatë vitit të kaluar.
Zvicra gjatë janarit ka marrë pesë azilkërkues nga Greqia dhe pesë nga Italia, në kuadrin e programit të BE-së për shpërndarje të refugjatëve, në të cilin merr pjesë edhe Zvicra. Zvicra është zotuar se do të pranojë 1500 refugjatë mbi këtë bazë dhe sipas SEM-it, ky synim pritet të realizohet gjatë javëve në vijim.
Gjatë kësaj periudhe, Zvicrën e kanë braktisur në mënyrë të kontrolluar 559 persona.
Duke u mbështetur në lëvizjet aktuale në fushë të azilit, autoritetet zvicerane llogarisin se deri në fund të vitit numri i kërkesave për azil do të arrijë maksimalisht në 20 mijë sish.
Të tjera nga Tematike
E-Diaspora
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër Kushdo që merr këtë letër dhe nuk e identifikon si mashtrim, sigurisht që do të ketë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Zvicër
-
Mungesa e banesave në Cyrih dhe qiratë e larta nxisin trendin e ‘sublet’ Një numër në rritje i apartamenteve në Cyrih po jepen me nënqira, përcjell albinfo.ch. Sipas ekspertit...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni