Lajme
“Kthimi i Karl Majit” shfaqet të shtunën në Vjenë, në “Javët e Kulturës Shqiptare në Austri”
Komedia “Kthimi i Karl Majit” do të shfaqet të shtunën, më datën 20 nëntor, nga ora 19:30, në Theater “Akzent” në Vjenë.
Pavarësisht sfidave me pandeminë, Këshilli Koordinues i Shoqatave Shqiptare në Austri është duke vazhduar me aktivitetet e “Javës së Kulturës Shqiptare”, të cilat kanë filluar që nga data 26 tetor në Austri, raporton albinfo.at.
Eventi i radhës do të jetë shfaqja teatrale “Kthimi i Karl Majit”.
Komedia “Kthimi i Karl Majit” do të shfaqet të shtunën, më 20 nëntor, nga ora 19:30, në teatër “Akzent” në Vjenë.
Shfaqja, regjinë e së cilës e ka bërë Blerta Neziraj, është realizuar nga Qendra Multimedia e Prishtinës, Teatri Kombëtar i Kosovës dhe teatri ‘Volksbühne’ i Berlinit.
Në shfaqje luajnë aktorët e mirënjohur kosovarë, si: Adrian Morina, Arta Muçaj, Armend Ismajli, Ylber Bardhi e Shpëtim Selmani. Tekstin e ka shkruar Jeton Neziraj.
“Shfaqja “Kthimi i Karl Majit”, e autorit Jeton Neziraj, që bart nëntitullin “Një shfaqje argëtuese për popullin gjerman”, shpalos paragjykimet e Evropës ndaj shoqërive të Lindjes dhe Ballkanit në veçanti. Personazhi i “ringjallur”, Kara Ben Nemsi, (protagonist nga librat e Majit) së bashku me aktorët kosovarë nisen në një udhëtim të përbashkët drejt Evropës: gjatë rrugës kalojnë kufi, takojnë personalitete të shquara dhe grupe të ndryshe sociale, të dala nga rrethana aktuale të krijuara nga politikat perëndimore. Shfaqja e fton publikun që ta përmbysë qasjen arrogante perëndimore karshi vlerave kulturore të vendeve të Ballkanit e me gjerë, thekson Alban Beqiraj, koordinator i këtij aktiviteti dhe anëtar i Këshillit Koordinues.
Ndërkohë, dramaturgu Jeton Neziraj shfaqjen “Kthimi i Karl Majit” e cilëson si: “Mënyrë metaforike që paralajmëron ardhjen e racistëve të rinj në Evropë”, shkruan albinfo.at.
Për ta përcjellë nga afër këtë shfaqje, Këshilli Koordinues fton të gjithë komunitetin shqiptar në Austri, miqtë austriakë dhe ndërkombëtarë që të rezervojnë biletat në këtë adresë elektronike:
Hyrja: “Freie Spende”
Kujdes: Pjesëmarrja lejohet vetëm duke zbatuar rregulloren e re 2G plus, që do të thotë, përveç certifikates së vaksinimit, kërkohet edhe testi PCR negativ(Jo më i vjetër se 48 orë).
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Rritet numri i kopshteve dygjuhëshe në Zvicër Në kopshtin e fëmijëve në shkollën Vignettaz në Freiburg, nëntë fëmijë ulen në një rreth dhe...
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?