Joe Biden lejon ndërtimin e murit kufitar SHBA-Meksikë

@pixabay

Në përpjekje për të ndaluar rritjen e nivelit të imigracionit, presidenti i Shteteve të Bashkuara të Amerikës, Joe Biden, ka lejuar ndërtimin e një pjese të murit kufitar mes SHBA-së dhe Meksikës.

Në rajonin e quajtur “Starr” do të ndërtohen rreth 32 kilometra përgjatë kufirit me Meksikën, ku zyrtarët raportojnë një numër të lartë kalimesh ilegale, shkruan BBC.

Ndryshe, ndërtimi i murit kufitar ishte politikë e ish-presidentit amerikan, Donald Trump, i cili ishte kundërshtuar ashpër nga demokratët, teksa në vitin 2020 Biden premtoi se nuk do të ndërtonte një mur tjetër nëse zgjidhej president, përcjell albinfo.ch.

Sipas të dhënave të qeverisë, mbi 245 mijë kalime ilegale janë bërë këtë vit vetëm në zonën e Luginës së Rio Grande dhe shtatori pritet të jetë një muaj rekord.