Kosova
Joserioze, vlerësohet kandidatura e Haradinajt për president
Duket se çdoherë e më shumë me pozitën e kreut të shtetit AAK-ja po vlerësohet se po e synon përforcimin e saj politik, përmes paraqitjes së hershme të emrit të Ramush Haradinajt si kandidat për president të Kosovës. Kjo veçanërisht në periudhë të brishtësisë së koalicionit qeverisës pas kundërshtimeve të brendshme për procesin e dialogut, si dhe rastin e Karaçevës, përcjell albinfo.ch.
AAK publikoi emrin e Haradinajt mbrëmë pas mbledhjes së Këshillit Drejtues të partisë, ndërkohë që ai përmes rrjeteve sociale e konfirmoi gatishmërinë dhe vullnetin për të kandiduar.
“Besimin që unë të jem kandidat për president, nëse kjo diskutohet në bazë të Kushtetutës, e konsideroj si përgjegjësi të lartë dhe nder të veçantë”, shkroi Haradinaj të mërkurën.
Ky veprim i AAK-së po vlerësohet i parakohshëm që ka për qëllim faktorizimin përmes pazareve politike me këtë post, raporton koha.net.
Gazetari e njohësi i zhvillimeve politike, Imer Mushkolaj, thotë se synimi është që të bëhet presion nga kjo parti dhe kreu i saj, Haradinaj, të paraqitet si një lloj shpëtimtari i Kosovës.
Por, deputeti i AAK-së, Rasim Selmanaj, thotë se meqë është afër përfundimi i mandatit të presidentit Thaçi, Kosova duhet ta ketë të gatshëm një emër.
Artan Abrashi nga Vetëvendosje e ka cilësuar këtë veprim si të parakohshëm dhe ka theksuar se ai ka të bëjë me pazar politik në interes të grupeve të caktuara brenda partive në pushtet.
Nga ana tjetër, deputetja e PDK-së, Ganimete Musliu, vlerëson se është herët të flitet për postin e presidentit, dhe se tani është e panevojshme të flitet për këtë temë.
Mushkolaj, në anën tjetër, konstaton se ky veprim i AAK-së vjen në kohën kur po flitet se PDK-ja mund t’i bashkohet koalicionit qeverisës. Por, futjen e PDK-së në koalicion e mohoi deputetja Musliu.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën