Ka 70 miliardë dhe blen vetëm rroba “second hand”

Themeluesi i «perandorisë së mobileve», suedezi Ingvar Kamprad llogaritet si njeriu më i pasur në Evropë. Por as kjo nuk e pengon atë që të kursejë… Veçse në këtë pikë e ka tepruar paksa! Pronari i rreth 70 miliardë frangave, 89 vjeçari Kamprad ka pranuar se veshmbathjet i blen vetëm në dyqanet «second hand».

«Nuk besoj se kam ndonje gjë të veshur që nuk është blerë në dyqan të dorës së dytë», ka thënë ai për një televizion suedez.

Me këtë veprim ai dëshiron që t`u japë një shembull për të mirë të tjerëve, transmeton albinfo.ch. Nga ana tjetër është në natyrën e njerëzve të Smalandit (provincës prej nga vjen ai) që të jenë kursimtarë, thotë ai. Nejse, të tjerët e thonë se smalandasit janë edhe koprracë.

Kamprad ka jetuar shumë gjatë në Zvicër dhe së fundi është kther në Suedi. Djemt e tij që sot e drejtojnë Ikea-n kanë pasaporta zvicerane.