Bota
Ka përvëluar me vaj të shoqin, shpallet e papërgjegjshme romja nga Kosova
Gjykata e Landit në Münster ka marrë vendimin e saj: gruaja 45 vjeçare nuk posedon përgjegjshmëri veprimi, gjegjësisht, si e sëmurë nga skizofrenia, nuk mund të përgjigjet për veprimet e vetaShpallet e papërgjegjshme
Gruaja rome nga Kosova, e cila në janar të këtij viti kishte kryer një veprim të rëndë, të paimagjinueshëm: i kishte hedhur të shoqit gjysmë litri vaj të vluar në fytyrë, është shpallur e papërgjegjshme.
Përvëlimi me vaj i kishte shkaktuar plagë të rënda bashkëshortit të saj, i cili për dy javë ishte dashur të qëndronte i shtrirë në spital, në gjendje kome, shkruan Westfällische Nachrichten.
Të mërkurën, Gjykata e Landit në Münster ka marrë vendimin e saj: gruaja 45 vjeçare nuk posedon përgjegjshmëri veprimi, gjegjësisht, si e sëmurë nga skizofrenia, nuk mund të përgjigjet për veprimet e veta.
Ajo do të vendoset në një klinikë psikiatrike për kohë të pacaktuar, pasi që vuan nga një lloj skizofrenie, e cila sipas bindjes së trupit gjykues, shkakton rrezik të përsëritjes së veprimeve të ngjashme, transmeton albinfo.ch.
Sipas ekspertizës së bërë psikiatrike, gruaja në fjalë vuan prej një kohe të gjatë nga një fiksion i pabazë se burri dhe vjehrra do t`i bënin diçka të keqe djalit të saj 11 vjeçar ose madje edhe do ta vrisnin.
Derisa bashkëshorti i saj ishte i shtrirë dhe po rrinte i shkujdesur në divan, ajo ia kishte hedhur enën me gjysmë litri vaj të vluar, mbi kokë dhe shpatulla. Për pasojë, burri 47 vjeçar kishte pësuar djegie të shkallës së dytë dhe të tretë, 25 për qind e lëkurës së tij ishte prekur, përcjell albinfo.ch. Ai kishte qëndruar 4 javë në spital, dy prej të cilave në gjendje kome.
Eksperti mjekësor e kishte përshkruar gjendjen e gruas si një gjendje që nuk trajtohej nisur edhe nga rrethanat “kulturore”. Sipas tij, familja rome nga Kosova, problemin e sëmundjes së saj e kishte mbajtur të fshehur nga rrethi, transmeton albinfo.ch gazetën gjermane. Për këtë arsye, përgjatë shumë viteve, ajo kishte pasur trajtim vetëm sipërfaqësor.
Familja kishte ardhur në Gjermani në vitin 1999, kur kishte ikur nga lufta në Kosovë. Nga ajo kohë, me një ndërprerje, çifti me fëmijët kishin jetuar në Gjermani. Megjithatë, gruaja e përmendur nuk e flet pothuajse fare gjermanishten.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë