Kafe me fytyrën tuaj

Një kafene në Londër është duke e çuar artin e banakut në një nivel tjetër, duke u mundësuar klientëve që të pinë auto-portretet e tyre.

Kafejena “The Tea Terrace” e cila ndodhet në rrugën Oxford, është bërë lokacioni i parë në Evropë që shërben Selfie-ccino, ku në filxhan të kafes dhe në shkumë është i vizatuar portreti i klientit.

Klientët që duan ta provojnë këtë, dërgojnë fotografitë e tyre me e-mail pastaj kanë mundësinë që ta pinë portretin e vete në kafe apo çokollatë të nxehtë.

“Nuk e di se si kjo makinë realisht funksionin sepse nuk mund të imagjinoj fytyrën time në shkumë, por është interesante shumë”, tha Safirah Safari, përcjell albinfo.ch.

Fotografia ngarkohet në makinën e emëruar Cino, ku vendosët filxhani. Fotografia më pas skanohet dhe riprodhohet në shkumë me ç’rast përdoren ngjyrat artificiale.

I gjithë ky proces zgjat 4 minuta, para se portreti të prezantohet në shkumë dhe klientët natyrisht që e postojnë këtë kafe në të gjitha rrjetet sociale para se ta pinë e çmimi për një kafe është 7.75 funte.

Rreth 400 kafe të personalizuara tashmë janë shitur që nga nisja e këtij projekti të shtunën, e në disa rrjete sociale ‘hashtagu selfieccino’ ishte i pranishëm në tërë vendin.