Kamberi kërkon memorial në vendin ku u gjetën varreza masive të shqiptarëve

Për këtë qëllim ai ka nisur një peticion, ku u bën thirrje qytetarëve ta nënshkruajnë.

Deputeti shqiptar në Parlamentin e Serbisë, Shaip Kamberi, ka bërë thirrje për të nënshkruar një peticion për të krijuar Qendrën Memoriale në Batajnicë.

Kamberi në Facebook ka deklaruar se ai vetë e ka nënshkruar këtë peticion.

“Ju ftojë të solidarizoheni me firmosjen e këtij peticioni qytetar për ta krijuar Qendrën Memoriale në Batajnicë, të cilin sapo e firmosa. Siç e dini, Batajnica është një nga varrezat masive në Serbi, ku janë hedhur trupat e qindra civilëve të pafajshëm, edhe të moshuar, gra dhe fëmijë”, thotë ai.

“Me qëllim të zhdukjes së gjurmëve dhe të ikjes nga drejtësia, pas vrasjes në mënyrë monstruoze, kufomat e viktimave janë bartur mbi 400 km nga vendi i krimit, nga ana e urdhërdhënësve dhe ekzekutuesve, që ishin edhe zyrtarë shtetërorë të Republikës së Serbisë. Kjo hapësirë, ku janë varrezat masive shfrytëzohet ende sot nga pjesëtarët e Ministrisë së Punëve të Brendshme të Republikës së Serbisë”, shtoi ai.

Shkrimi i plotë:

Të nderuar qytetarë,

Ju ftojë të solidarizoheni me firmosjen e këtij peticioni qytetar për ta krijuar Qendrën Memoriale në Batajnicë, të cilin sapo e firmosa.
Siç e dini, Batajnica është një nga varrezat masive në Serbi, ku janë hedhur trupat e qindra civilëve të pafajshëm, edhe të moshuar, gra dhe fëmijë.

Me qëllim të zhdukjes së gjurmëve dhe të ikjes nga drejtësia, pas vrasjes në mënyrë monstruoze, kufomat e viktimave janë bartur mbi 400 km nga vendi i krimit, nga ana e urdhërdhënësve dhe ekzekutuesve, që ishin edhe zyrtarë shtetërorë të Republikës së Serbisë.

Kjo hapësirë, ku janë varrezat masive shfrytëzohet ende sot nga pjesëtarët e Ministrisë së Punëve të Brendshme të Republikës së Serbisë.

Peticioni mund ta nënshkruani këtu:

https://www.batajnicamemorialinitiative.org/al/peticija?fbclid=IwAR3t3GyoOWJgxzfNzRn_bE0iua6D5gnKX_DeDiaIDQF1LoOztpgRRH9cPGQ

LAJME INTERESANTE NGA INTERNETI