Kanë vënë në lojë plakun, 5 kujdestare pushohen nga puna

Pas pushimit nga puna, ish kujdestaret i pret edhe akuza. Këshilli komunal ka paralajmëruar ngritjen e një padie

Pesë kujdestare të një shtëpie pleqsh në Kantonin Appenzell Ausserhoden e kanë paguar me humbje të vendit të punës shakanë e pakripë që e kanë bërë me një pensionist, banor i kësaj shtëpie. Katër prej tyre morën përjashtim të menjëhershëm nga puna.

Sipas gazetës “Appenzeller Zeitung” në korrik të këtij viti, gjersa shefja ishte në pushime, pensionisti në fjalë qe trajtuar në mënyrë jo të denjë nga pesë kujdestaret, duke e bërë objekt përqeshjeje. Për shkak të inkontinencës së tij, ato e kishin veshur pensionistin me rroba grash.

Pas pushimit nga puna, ish kujdestaret i pret edhe padia penale.

Këshilli komunal ka paralajmëruar ngritjen e një padie, ka bërë të ditur kryetari i komunës. Ndërsa shefi i entit social i kantonit kishte thënë më parë se nuk beson se do të vijë puna deri te padia penale.