Shkurt.ch
Kantoni Aargau vështirëson edhe më shumë dhënien e pasaportës zvicerane
Me ligjin e ri në Aargau ata të huaj që marrin ndihma sociale, duhet të presin dhjetë vite për të pasur të drejtë që të bëjnë kërkesë për natyralizim, ndërkohë që në nivel vendi, ky afat është tre vite
Ligji i ri zviceran për natyralizimin, i cili ka hyrë në fuqi nga një janari i këtij viti, ka bërë që të ashpërsohen një numër kriteresh për natyralizimin e të huajve në Zvicër. Mes tyre është kriteri i cili kërkon që kush aplikon për pasaportën zvicerane, duhet paraprakisht të ketë Vizën C (lejen e qëndrimit të përhershëm në Zvicër), shkruan albinfo.ch.
Por Kantoni Aargau mendon se ky ashpërsim nuk është i mjaftueshëm. Qeveria e Kantonit po planifikon një ligj më të ashpër për natyralizimin e të huajve në krahasim me atë që vlen në nivel federal, bën të ditur srf.ch. Kështu, me ligjin e ri në Aargau, ata të huaj që marrin ndihma sociale, do të presin dhjetë vite për të pasur të drejtë që të bëjnë kërkesë për natyralizim, ndërkohë që në nivel vendi, ky afat është tre vite.
Qeveria e Kantonit Aargau ka dërguar për konsultim në Parlamentin e Kantonit një projektligj, të cilin ajo vetë nuk e mbështet në tërësi. Këtë e bën si përgjigje ndaj një propozimi parlamentar të ardhur nga CVP, transmeton albinfo.ch. Ligji, atëbotë i përpunuar mbi bazën e ndryshimeve të Ligjit Federal për Natyralizim, ishte hedhur poshtë në maj të vitit 2017 nga shumica e djathtë në Parlamentin e Kantonit, e cila kërkonte kritere më të ashpra.
Qeveria thotë se afati i deritashëm trevjeçar i pritjes është treguar i suksesshëm në praktikë.
Një risi tjetër me ligjin e ri do të jetë kushti që të huajt të cilët duan të bëjnë kërkesë për pasaportë, duhet të kenë kaluar më parë me sukses një test për natyralizim.
Të tjera nga Shkurt.ch
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse