Karantina në Zvicër, arsyeja që po e pengon diasporën të vizitoj Kosovën

Muaji prill nuk ka sjellur shumë mërgimtarë nga Zvicra në Kosovë. E arseyja për këtë duket të jetë karantina e detyrueshme të cilën e ka vendosur Zvicra, si kusht për udhtarët që vijnë nga shtete me rrezikshmëri të lartë të infektimit me virusin Covid-19, e që një ndër këto shtete është edhe Kosova.

Përmes një ankete në llogaritë e albinfo.ch në rrjetet sociale Facebook dhe Instagram, diaspora shqiptare është pyetur si: “A do të shkoni në pushime në Kosovë, nëse nuk do të kishte karantinë kur të ktheheni në Zvicër?”.

Në ndërkohë lexuesit e albinfo.ch janë përgjigjur me shumë komente dhe mesazhe në këtë pyetje.

Shumica prej tyre kanë thënë, se do të shkonin në Kosovë gjatë kësaj kohe nëse nuk do të kishte karantinë kur të ktheheshin në Zvicër. Por ka edhe nga ata që kanë thënë se nuk kishin planifikuar të shkonin tash, por sigurisht që do të shkojnë të vizitojnë Kosovën gjatë muajve të verës.

Disa nga përgjigjet e mërgimtarëve:

L.S: “As karantinë, as asgjë s’ka që më ndal që t’shkojë në Kosovë”.

M.S: “Mezi po presim. Me apo pa karantinë. “Kysmet”. Uroj vetëm ta kemi shnetën”.

H.Q: “Dita që të largohet (karantina) më lajmro të lutem, të nesërmen ta dërgoj një foto nga Kosova”.

D.J: “Jo, sepse njëherë nuk i kemi punët, s’kemi pushim”.

SH.V.E: “Me padurim po presim të vijmë në pushim në vendlindjen tonë”.

A.B.H: “Po patjetër, Kosovën e kemi oksigjen”.

Këto janë vetëm disa nga përgjigjet e shumta që janë drejtuar në albinfo.ch, numër i madh i tyre kanë shkruar përgjigje pothuajse të ngjashme me të cilat i kemi cituar ne.

Zvicra e ka futur Kosovën në zonën me rrezikshmëri të lartë për infektim me koronavirus, që nga data 22 mars 2021. E njejta listë është ende në fuqi, që nënkupton se të gjithë banorët e Zvicrës nuk mund të lëvizin lirshëm në Kosovë, gjegjësisht, pas kthimit i nënshtrohen detyrimit të karantinës./albinfo.ch