Katër persona të plagosur në St. Gallen: arrestohet një shtetas i Serbisë

Policia kantonale e St. Gallenit ka arrestuar një burrë 51-vjeçar. Sipas policisë, burri i arrestuar është nga Serbia dhe nuk ka adresë fikse në Zvicër

Në një operacion në shkallë të gjerë të zhvilluar të enjten pasdite, u gjetën katër persona, disa prej të cilëve të plagosur rëndë. Dy prej tyre u desh të transportoheshin me helikopter në spital, transmeton albinfo.ch.

Policia kantonale e St. Gallenit ka arrestuar një burrë 51-vjeçar.

Sipas policisë, burri i arrestuar është nga Serbia dhe nuk ka adresë fikse në Zvicër. “Gjatë hetimit, u konfirmua dyshimi i fortë për një krim”, shkruan policia kantonale e St. Gallenit në një deklaratë, shkruan srf.ch.

Një burrë dhe tri gra të plagosura

Të enjten, policia u njoftua nëpërmjet një telefonate emergjente për një burrë 73-vjeçar të plagosur. Në një zonë banimi të komunës Au, St. Gallen, patrulla gjeti tre persona të tjerë të plagosur. Ato ishin tri gra midis moshës 57 dhe 87 vjeç.

Dy prej tyre u desh të transportoheshin me helikopterë shpëtimi në spital. Policia aktualisht nuk mund të japë informacione të mëtejshme në lidhje me lëndimet e tyre ose gjendjen e tyre aktuale.

Me sa duket, dy nga gratë e plagosura po vizitonin viktimat e tjera. Zyra e prokurorit publik të St. Gallen po heton aktualisht se si u zhvillua krimi i dhunshëm. Kjo përfshin rolin e burrit të arrestuar, si dhe informacionin mbi sfondin, motivin e mundshëm për krimin dhe çështjen nëse persona të tjerë janë të përfshirë.

---