Futboll

Kërcënohet Messi, të shtëna dhe një mesazh në dyqanin familjar

E enjte, 2 Mars 2023 - 20:00 albinfo.ch
Keystone EPA/DAVID FERNANDEZ

Një supermarket në Rosario është goditur me 14 plumba, pas së cilës autorët kanë lënë jashtë një kërcënim për Lionel Messin.

Sipas Cadena 3 Rosario, dyqani në fjalë i sulmuar me armë i përket kushërirës së Antonella Roccuzzo, partneres së Messit.

Ishin dy burra me motoçikletë që erdhën te supermarketi gjatë natës, duke gjuajtur me 14 të shtëna armësh.

Më pas ata lanë një mesazh të shkruar me qymyr për Messin.

“Messi, ne po të presim. Javkin është një trafikant droge, ai nuk do t’ju mbrojë”, thuhej në mesazhin e shkruar.

Javkin i referohet kryetarit aktual të Rosarios, qytetit të Messit, Pablo Javkin. Ylli i Paris Saint-Germain ka një shtëpi në periferi të Rosarios të quajtur “Kalaja”.

 Të tjera nga Futboll

“Duhet të transferojmë Granit Xhakën”

 E-Diaspora

 Jeta në Zvicër