Jeta në Zvicër
Këshilli Federal pret para se të prononcohet për paktin e migracionit
Këshilli Federal është i bindur se pakti global i Kombeve të Bashkuara për migracion është në interesin e Zvicrës, pasi synon të përcaktojë parametrat për migrimin e rregullt, i cili do të ndihmonte në reduktimin e migracionit të parregullt, informon Albinfo.ch.
Megjithatë, Këshilli Federal dëshiron që të lejojë që debati parlamentar mbi këtë çështje, të përfundojë para se të marrë një vendim përfundimtar mbi këtë temë. Prandaj, Zvicra nuk do të jetë e pranishme në konferencën e Marrakeshit më 10 dhe 11 dhjetor, kur edhe zyrtarisht do të miratohet marrëveshja.
Duke vënë në dukje se Zvicra tashmë është duke zbatuar rekomandimet e paktit global të migracionit në politikën e saj të migrimit, më 10 tetor Këshilli Federal vendosi të miratojë paktin, me një deklaratë që shpreh rezerva të caktuara, njofton Albinfo.ch.
Në pajtim me ligjin, ai kishte vendosur të paraqiste dosjen në Parlament për konsultim.
Në mbledhjen e tij të 21 nëntorit 2018, Këshilli Federal gjithashtu vendosi që të propozojë refuzimin e mocioneve duke i kërkuar atij që të paraqesë një dekret federal, që Parlamentit i lejon të vendosë për miratimin ose jo të paktit për migracion.
Këshilli Federal konsideron se ky vendim bie në kompetencën e tij kushtetuese (neni 184 alineja 1 e Kushtetutës), në përputhje me të drejtat e pjesëmarrjes së Asamblesë Federale.
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike