Lajme
Këtë dimër nuk do të ketë certifikatë në pistat zvicerane të skive
Në konsultim me Qeverinë Federale, teleferikët zviceranë kanë vendosur regullat e koronës në këtë sezon dimri. Patrick Mathys nga BAG, është kundër
Në Zvicër, nuk do të ketë detyrim për certifikatë gjatë sezonit të skive, këtë dimër. “Për momentin, nuk janë duke u bërë ndryshime në rregulloret aktuale të mbrojtjes për hekurudhat malore (teleferikët)” thuhet në një deklaratë të lëshuar nga “Seilbahnen Schweiz” të martën, shkruan srf.ch.
Bisedimet me Qeverinë Federale dhe kantonet thuhet se ishin shumë konstruktive.
Në njoftimin për shtyp nga Seilbahnen Schweiz, më tutje thuhet: “Hekurudhat malore mund të fillojnë sezonin e dimrit me të njëjtat kushte si transporti publik, pra, me maskë të detyrueshme në kabina dhe dhoma të mbyllura, distancë në brendësi të ndërtesave dhe ajrosje në kabina”.
Por Patrick Mathys, Shef i Seksionit të Menaxhimit të Krizave dhe Bashkëpunimit Ndërkombëtar në Zyrën Federale të Shëndetit Publik, mendon ndryshe, transmeton albinfo.ch. Ai e ka kundërshtuar këtë në konferencën mediatike të mbajtur sot në Bernë: “Këshilli Federal do të vendosë për masat dhe jo për hekurudhat malore”.
Fushatat e shoqatave për vaksinimet
Sidoqoftë, plani i telefgerikëve e malorë nuk ka ndryshuar: kushdo që dëshiron të ketë një shujtë ose një pije të ngrohtë në një pijetore ka nevojë për një certifikatë, transmeton albinfo.ch. Ndërkaq, ata që do të hanë në tarracë, nuk kanë nevojë për certifikatë.
Shoqata Zvicerane e Teleferikëve gjithashtu është e interesuar të bëjë fushatë për vaksinimet. Në bashkëpunim me Snow Sports dhe Swiss-Ski, shoqata do të marrë pjesë në javën kombëtare të vaksinimit nga 8 deri më 14 nëntor. Ata gjithashtu bëjnë thirrje që fushatat e vaksinimit të kryhen edhe në destinacionet e sporteve dimërore.
Siç dihet, zonat e skive në Zvicër ishin disa nga të paktat në botë që ishin të hapura për mysafirët e huaj vitin e kaluar, përcjell albinfo.ch. Sigurisht, vendosja e maskave kërkohej në kabinat e teleferikut dhe po ashtu njerëzit duhej të mbanin distancë para ashensorëve. Nuk ka pasur ndonjë valë infeksionesh në vendpushimet zvicerane të skive.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën