Kina lejon çiftet të kenë deri në tre fëmijë

Unsplash

Kohë më parë në Kinë ishte ligji që çiftet të mos kenë më shumë se një fëmijë, por duket se tashmë ky ligj është ndryshuar. Kina ka njoftuar se do të lejojë secilin çift të ketë deri në tre fëmijë, duke shënuar fundin e një politike të rreptë me dy fëmijë, përcjell albinfo.ch.

Referuar medias shtetërore Xinhua, ndryshimi u miratua nga presidenti Xi Jinping, në një takim të Byrosë politike.

Kjo vjen pasi një regjistrim një herë në një dekadë tregoi se popullsia e Kinës u rrit me ritmin e saj më të ngadaltë në dekada.

Kjo shtoi presionin mbi Pekinin për të rritur masat që çiftet të kenë më shumë fëmijë dhe të shmangin një rënie të popullsisë.

Regjistrimi, i lëshuar në fillim të këtij muaji, tregoi një normë mesatare vjetore të rritjes prej 0.53% gjatë 10 vjetëve të fundit, nga një normë prej 0.57% midis viteve 2000 dhe 2010 – duke e çuar popullsinë në 1.41 miliardë.